Oct.2-9.2008 issue

MY ARTICLE
ni Lito M, Giron

Isumbong ang personal na paggamit
ng government vehicles

Naging bahagi ng talumpati ni Pangulong Gloria Macapal Arroyo ang kasalukuyang pandaigdigan hamon dulot ng mataas na presyo ng pagkain, langis at bigas. Ang pangmalawakang pangarap ng isang maayos na buhay, magandang edukasyon seebisyong pangkalusugan, mataas na sahod at disenteng pag reretiro. Sinabi ng Pangulo na ang lahat ng ito ay kayang nakamit sa pamamagitan ng pagbaba ng presyo ng bilihin, pagkakaroon ng sapat na pagkain sa sariling pinagkukunan ng enerhiya at pagsasagawa ng mahirap na desisyon upang baguhin ang ekonomiya tungo sa pangmatagalan pagbabago.
00000
Nanawagan ang Malacanang sa publiko na isumbong ang anumang di opisyal na paggamit ng mga sasakyang pang gobyerno bilang bahagi ng pinaigting na kampanya sa pagtitipid sa enerhiya at korupsyon. Ginawa ng palasyo ang panawagan ng A.O # 239 na nag babawal sa paggamit ng sasakyang pang gobyerno sa pang personal na gamit sa pagiging dependyente sa paggamit ng inangkat na langis.
00000
Binanggit ni Pangulo Arroyo sa kanyang pananalita sa pag bubukas ng ika-63 pangkahalatang asembliya ng UN na ang Pilipinas sa susunod na dalawang taon, ay may 60 persyento na sa pagkakaroon ng sariling enerhiya. Sa ngayon, 17 persyento na ang itinaas ng pagkakaroon ng bansa ng sariling enerhiya sa pamamagitan ng geothermal, biofuel at iba pang mapagkukunan nito. Binanggit din ng Pangulo ang gingawang hakbang ng kanyang administrasyon sa pag iwas sa paggamit ng sasakyang pang-gobyerno sa pang-personal na gamit.

00000
Nagpalabas ng kautusan ang Bureau of Food and Drugs (BFAD) sa lahat ng lisensyadong taga-angkat, tagapamahagi ng mga produktong gatas mula sa Tsina na agad itigil pansamantala ang pag-angkat, pamamahagi at pagbebenta ng mga kontamadong gatas mula sa bansang Tsina. Ang ban ay ipapatupad hanggat walang anunsyo ang BFAD sa kaligtasan ng produkto.Ipinag-utos ni Executive Sec. Eduardo Ermita sa health department na paigtingin ang pagmamatyag sa pagpasok ng gatas na kontaminado ng melamine mula sa bansang Tsina.

00000
Pinaiimbestigahan ng Malacañang ang napabalitang P2 bilyong halaga ng bonus na ibinigay sa may 70 empleyeado ng Road Board Secretariat noong 2005 mula sa nalikom na road users' tax. Sa panayam kay Press Sec. Jesu Dureza, binigyan diin ng sekretaryo na pera ng taong bayan ang sangkot kung kaya't kinakailangang maimbestigahan ito. Idinagdag pa niya na hindi hahayaan ng Pangulo ang mga bagay na ito.

Sa mga proyektong inilunsad ni Mayor Ramon Talaga Jr. sa Lucena
City Hall sa barangay binuksan
nina Lyn Catilo at King Formaran
Upang higit na mailapit sa mga mamamayan sa may 33 barangay na sakop ng lungsod ng Lucena ang mga programa para sa mga ito, inilunsad kamakailan ng alkalde dito ang “City Hall sa Barangay”.
Malaki ang paniniwala ni Mayor Ramon Y. Talaga, Jr. na sa pamamagitan ng nasabing programa, ang mga serbisyong ipinagkakaloob ng ilang departamento ng pamahalaang panlungsod ay dadalhin sa mga barangay upang agad na matugunan ang ilang mga pangangailangan ng mga mamamayan at ng mismong barangay.
Ilan dito ay ang City Health Office, City Social Welfare and Development Office, Public Employment and Services Office, City Engineering’s office, Technology and Livelihood Development Center, City Anti-Drug Abuse Council, City Agriculturists Office, City Registrar’s Office, Business Permit and Licensing Division, City Planning Development Office at marami pang iba.
Ipinaliwanag ng alkalde na sa bawat barangay na mapipili ay magkakaroon ng medical and dental mission, jobs fair, libreng pagpaparehistro, livelihood seminar, libreng gupit at marami pang ibang serbisyong ipinagkakaloob ng pamahalaang panlugnsod.
Binigyang-diin pa ni Mayor Talaga na nais niyang mailapit ang serbisyo ng city hall sa mga barangay.
Batid niya na dahil sa kahirapan ng buhay ay hindi na magawa ng mamamayan na magtungo sa city hall upang mag-asikaso ng ilang mahahalagang bagay katulad ng pagpaparehistro ng kanilang mga anak at iba pa.
Sa pamamagtian ng city hall sa barangay ay mabilis na maipagkakaloob ang anumang serbisyo publiko na kanilang kakailanganin.
Umaasa pa si Mayor Talaga na tatangkilikin ang programa ng mga mamamayan. Hindi ito ang unang pagkakataon na isinagawa ang programa at nakikita pa rin nila ang pangangailangan para dito kung kaya muli itong inilunsad.

Sa pagbibigay ng proyekto sa mga alkalde sa ikatlong distrito ng Quezon
Dapat maging patas sila- Cong. Danny Suarez
The Reportorial Team


Nagkaroon ng isinagawang disbursement briefings ang mga mayors, planning ,budget officers at treasurer ng Bondoc Peninsula na ginanap kamakailan sa ikatlong distrito ng Quezon.

Ito’y upang maging mabilis ang sistema sa pagbibigay ng pondo mula sa Priority Development Assistance Fund (PDAF).Ito’y sa kahilingan na rin ni Cong. Danny Suarez na umano’y na pinamahalaan naman ng Auditor mula sa Commission on Audit upang
maibigay ng tama ang nasabing mga pondo sa mga alkalde sa ikatlong distrito ng Quezon.

Kaugnay nito, binigyang paalala naman ni Suarez ang lahat ng mga mayor na nabigyan ng nasabing pondo na dapat mailagay ng tama sa mga proyektong ang makikinabang ay ang mga mahihirap na mamamayan sa ikatlong distrito.


Binigyang diin ng kongresista na na huwag naman sanang lagyan ng kulay pulitika ang kaniyang pamamahagi sa mga alkalde bilang bahagi ng kaniyang programa.

Lahat umano halos ng alkalde sa ikatlong distrito ay nakinabang sa nasabing pondo kahit pa nga itoy sinasabing hindi kapanalig ng nasabing opisyal.

Malaki ang paniniwala ni Suarez, na hindi na dapat pang pairalin ang pulitika sa pagbibigay ng mga proyekto kung saan dapat na tulungan ang mga mamamayan at bigyan ng mga programang nakalaan naman para sa kanila.


Nais pa ni Suarez na maparating ng tama ang mga programa sa mga liblib na lugar kung kaya’t ito’y ibinigay niya sa mga municipal mayors kung saan inaasahan na ilalagay naman ng mga ito sa mga maaayos na proyekto.

Dapat umanong bigyang prioridad ang patungkol sa edukasyon, kalusugan, death claims para sa mga barangay officials, mga imprastraktura at iba pa na kailangan ng mga taga- ikatlong distrito ng Quezon.


Dumalo sa nasabing briefing ay sina Mayor Ding Villena, Padre Burgos; Adam Aguilar, Agdangan; Cesar Alpay, Unisan, Dante Bunag, Pitogo; Liwayway Tan, Macalelon; Eva Sangalang, Gen. Luna, Monching Orfanel, Catanauan; Prudencio Maxino, Mulanay, Ernani Tan, San Francisco; Sonia Emprese, San Andres; Allen Uy, San Narciso at Remedios Uri, Buenavista.

Kolum : Para sa Bayan ni Celine Tutor

SM City Lucena, 5 taon na sa pagseserbisyo

Oktubre 3, taong 2003 nang buksan sa publiko at sa lahat ng mga mamimili ang lahat ng facilities ng SM City Lucena. Tuwang-tuwa ang mga Lucenahin noon dahil dagdag establisyemento ito na magbibigay ng maraming hanapbuhay sa mga taga-lungsod at maging mula sa mga kalapit-bayan.
Tama ang sinabi ni Quezon 1st district Board Member Alona Obispo na ang SM City Lucena ay hindi lamang lugar-pasyalan kundi malaki ang social responsibility na ginagampanan nito.
Isang patunay dito ay ang patuloy na pagkalinga ng SMLC sa mga kabataang nais na makapag-aral. Sila yaong walang kakayahang pinansyal ngunit may angkin namang talino. Bukas ang SM Lucena at SMFI sa tulad nila upang maabot ang magandang bukas. Sa pamamagitan ng SM Foundation, Inc., natutulungan ang nasabing mga kabataan upang makapag-aral at marami na ang nakapagtapos dito at may kani-kanila ng trabaho. Malaya silang nakapaghanap ng hanapbuhay kahit saang kompanya.
Saludo si Bokal Obispo sa SM City Lucena dahil marami itong programa at proyekto na ipinagkakaloob sa mga mamamayan. Maliban sa Scholarship program, may mga medical at dental missions din silang ipinagkakaloob laluna sa mga maralitang pamilya na talaga namang nangangailangan ng tulong.
Sa hirap ng buhay ngayon at sobrang tataas ng presyo ng mga gamot, malaking tulong ang libreng gamutan na ipinagkakaloob ng SM Foundation.
Sa limang taon na ng SM City Lucena, maraming beses na sila nagbigay ng nasabing tulong. Maraming tao na ang nabigyan ng lunas ang karamdaman.
Sa katunayan, kamakailan lamang ay nakaagapay ng SMLC at ng SMFI ang Southern Luzon Command sa pangunguna ni Lt.Gen.Delfin N. Bangit, Phil. National Red Cross, Quezon Medical Center, City Health Office, CSWD, Quezon Provincial Government, City Government at marami pang iba.
Sa tuwing may mga magagandang programa o anumang gawain ang SMLC, positibo ang pagtulong dito ng iba’t-ibang mga samahan. Tal kasi ang makikinabang. Sino ba naman ang hindi tutulong?
Kahit si Lucena City Social Welfare and Development officer Lulu Ruanto, paulit-ulit niyang sinasabi na ang SM Lucena ay akmang lugar na puntahan ng mga kabataan, bawat pamilya at maging ng mga may kapansanan sa katawan at pag-iisip.
Kaya nga noong nagdiwang ng National Disability Week, nakita kong ngumiti ang mga kabilang sa disabled persons nang mamasyal sila sa nasabing mall.
Sabi nga ni Ms. Lilibeth Azores, ang masipag na PR Manager ng SMLC at ng SM Foundation, Inc. na ang SM Lucena ay mall-friendly at ‘yan ay napatunayan na ng napakaraming tao na nagtungo sa lugar.
Si Ms. Angie Quesea ang isa sa makakapagpatunay na malaki ang puso ni Mr. Henry Sy, Sr. at ng mga taong nagtatrabaho sa SM sa mga may kapansanan. Hindi nila nakakalimutang bigyan ng espesyal na treatment ang tulad nila.
Bilang pagpapatunay nito, may mga facilities na sadyang ipinagawa ang mall para sa maayos na pamamasyal ng mga ito habang nasa loob. Magagalang ang mga guwardiya dito at isinailalim sa napakaraming seminar nang sa gayon ay maibigay ng maayos at may ngiti ang magandang serbisyo sa mga disabled persons.
Kung napapansin n’yo ang mga disabled persons ngayon na namamasyal sa SMLC ay binibigyan ng espesyal na pagtingin ng mga nagtatrabaho dito at ‘yun ang gusto ni Mr. Sy, Sr.
Todo ang pasasalamat ni Ms. Quesea dahil hindi na raw maiilang ang tulad niya na magtungo sa lugar na maraming tao tulad ng mall.
Hindi ‘lang ito ang mga magagandang programa ng SM Lucena na ibinibigay sa mga mall shoppers at naipagkaloob na sa loob ng kanilang limang taon na pamamayagpag.
Maraming tulong na silang naipagkaloob hindi lamang sa lungsod ng Lucena kundi maging sa mga kalapit bayan nito. Sadyang marami silang naibibigay na tulong sa komunidad.
Kulang ang pahinang ito para maisa-isa ko ang nagawa ng SM Lucena sa limang taon nilang pagseserbisyo ngunit ang natitiyak ng IRON WILL, sa pagdaan ng mga panahon, higit pa itong madadagdagan.
Sa SM Lucena, Congratulations at maraming salamat.

SM City Lucena today

5th year anniversary SM City Lucena

The Management of SM City Lucena’s 5-Years Service Awardees

Congratulations to the management of SM City Lucena for their 5 years in service.(Seated L-R): Sergio Aldrin Buenaventura (CRS Manager), Jenefer Gonzales (Leasing Supervisor), Ma. Criselda Ramos (Marketng Officer), Cheriza Dural (Mall Secretary), Arcelin Villavicencio (Accounting Manager). (Standing L-R): Madeleine Rychelle Orgas (HR Officer) , Michele Villaseñor (HR Officer), Dennis Lopinac (Systems Analyst), Myrna Lyn De Castro (Tenant Relation Officer), Rennell Camaligan (Chief Projectionist) , Evangeline King (Regional HR Manager-South Luzon), Ramona Villaverde (Building Admin Officer), Darnel De Luna (IT Supervisor), Russell Alegre (Building Admin Officer), Romina Dimaunahan (Foodcourt Supervisor). (Last Row): Joselito Rommel Villanueva (CRS Supervisor), Elda Ayuste (Finance and Admin. Manager), Michelle Africa (Foodcourt Manager) and John Jason Terrenal ( Mall Manager).


Jetline
Ni Jet Claveria

Ika –limang taon ng SM sa Lucena


Isang maligayang pagbati sa lahat ng mga nasa SM City Lucena ngayon.Nasa ikalimang taon na pala ang SM. Naalala ko pa ng ginagawa ang SM noong 2003, araw-araw ko kasi itong nakikita kapag magpoprogram ako sa DZEL.Sa isip ko noon kapag natapos ito ay tiyak na sisigla ang Brgy. Red V at dadami ang negosyo.

Subalit higit pa sa inaasahang dagdag sa hanapbuhay ang nangyari maging ang mga negosyante sa mga karatig lugar ay nag-invest na rin sa Lucena ng kanilang negosyo.

Ang dating mga mahihilig magshopping na nagtutungo pa sa Metro Manila para makapunta sa SM subalit laking tuwa at ginhawa nila ng magkaroon sa Quezon.Hindi rin daw naman kasi nalalayo ang presyo ng mga bilihin dito kumpara sa Metro Manila.

Maraming mga walang trabaho ang natulungan ng SM at hindi lamang taga-Quezon kundi maging ang kapitbayan ay natulungan din na mabigyan ng trabaho.

Maging ang mga galing Bicol at mga tawid isla ay dumadaan muna sa SM bago sila magtungo sa kanilang mga patutunguhan upang doon bumili ng kanilang mga souviner o mga kailangan na dadalhin sa kanilang paroroonan..

Bigla ko tuloy naalala si Padre burgos Mayor Ding Villena. Hindi ko naman kaya pinupuri ay dahil aking Tito kundi likas sa kaniya ang pagiging masipag.(ayan tito kahit di tayo nagkikita bida ka pa .hehehe)Panay ang pagmamalaki niya noon na kapag nagka SM daw sa Lucena ay tiyak na marami itong matutulungan (ako lang ang hindi).Nakita ko noon sa mukha niya na walang pagsidlan ng tuwa dahil alam niyang maraming matutulungan .Ipinagmalaki hindi lamang taga Padre Burgos si Mayor Ding dahil isa siya sa mga dahilan kung bakit mayroong SM kung hindi ako nagkakamali tita Beth.

Saksing buhay din ang Jetline ng magkaloob naman ang SM Foundation ng building para maging classroom sa mga taga- Padre Burgos.Hindi lamang ang bayan ni tito Ding ang nakinabang sa mga proyekto ng SM dahil maraming eskwelahan ang nabigyan ng tulong.

Laking pasasalamat din ni Mrs. Meriam Camposano principal ng Brgy . Binagbag Elementary School sa mga computer na ibinigay ng SM para sa mga batang mag-aaral.

Kapag may time din ang Jetline ay sumasama rin sa community project ng SM sa pagbibigay tulong sa mga mahihirap na barangay sa Lucena .Nakita ko sina Ms. Cristy Angeles na nakangiti kahit pawisan na sa pagbibigay ng tulong sa mga kapuspalad.Masaya daw kasi ang pakiramdam nila at nawawala ang kanilang pagod kapag nakikita nilang masasaya ang kanilang mga natutulungan.

Kapag may mga kalamidad andyan din ang SM,sa mga medical mission libong tao rin ang natutulungan .Ano pa nga bang hahanapin sa SM.

Ako maraming hinahanap lalo na kapag nagwiwindow shopping.Naghahanap ako ng bibilihin ko at sa susunod kung punta ay wala na pala.Talagang wala ka ng hahanapin sa SM ,ikaw na lamang ang maghahanap ng pera para me pambili .

Kunsabagay,kung ang Quezonian ay maswerte sa pagkakaroon ng SM, ang SM swerte rin sa pagkakaroon ng kanilang masisipag at hindi mga supladang mga tao.

Isang malaking adbentahe rin ito ng malaking mall kasi kung hindi matapat at hindi naman masasaya ang kanilang mga mukha sa kanilang mga customer ay tiyak na maraming reklamo sa kanila.

Kaya naman si Ms. Beth Azores ang masipag na PR Manager, kahit pagod na pagod na ay hindi pa rin kakitaan ng pagkasimangot.Lagi pa rin siyang nakangiti (kaya di tumatanda).Magaling ang PR ni Ms Beth lahat ng alam niyang pwedeng matulungan ng SM ay ginagawan nila ng paraan at kaagad na naipapaalam sa publiko.Ilan pa kayang PR manager ang katulad niya.Yon bang aktibo sa lahat ng mga aktibidad ng SM at kaagad niyang naipapaalam at hindi na kailangan pang manghula kung kelan at anong petsa gaganapin.Kumbaga, sobra na sa kanyang trabaho ang kaniyang ginagawa.Kasi daw nahihiya siya sa kaniyang mga amo na sobrang kababait daw naman.

Totoo iyon dahil minsan ko na ring nakita kung gaano kaintindi ng pamilya Sy ang kaniyang mga empleado at maging ang kanilang mga scholars.Palibhasa nga marahil na nagdaan din sa maraming pagsubok sa pagnenegosyo si Mr. Henry Sy Sr. kung kaya’t malapit ang puso niya sa mga kabataan na mayroong mga pangarap sa buhay subalit di makapag-aral.Nais niya’s sa pamamagitan ng SM Foundation ay mabigyan ng daan ang mga pangarap na iyon.

Kaya isang malaking tulong sa mga kabataan sa Quezon na nangangarap na makapag aral ay nabigyan ng pagkakataon ng SM na tulungan silang maabot ang kanilang mga ambisyon sa buhay.

Parang kaylan lamang, limang taon na pala ang SM sa Lucena at hindi na mabilang ang tulong na naibigay ng Mall hindi lamang sa Lucenahin kundi maging sa mga kalapit lugar.

Sa pagsho-shopping , napaka kombenyente ng pagpunta rito,maging ang mga may kapansanan ay pwedeng magtungo dahil binigyan sila ng prioridad ng mall.Sa mga senior citizen, maging panonood nila ng sine ay binibigyan sila ng importansya at very friendly talaga.


Limang taon ng SM City sa Lucena,nakakatuwang isipin at ipinagmamalaki ko sa aking sarili bilang isang ordinaryong media ang makadaupang palad ang tinaguriang Mr. Philippine Retailer na kung tawagin ay si Tatang.Hindi siya kakikitaan ng anumang pagkabagot sa kanyang mga kausap,kaya naman iyon marahil ang namana sa kanya ng kanyang mga anak.Hindi mapagmataas at kayang abutin ng isang ordinaryong tao.Kaya naman kung anong biyaya ang dumarating sa SM ay ibinabalik nito sa mga tao sa pamamagitan ng walang sawang pagtulong sa mga nangangailangan.

Sabihin na nating ang SM ay kaagapay sa pag-unlad ng isang lugar at sinusuportahan ang pamahalaan sa mga proyektong kaya nitong ibigay sa mga mahihirap.

INTERNATIONAL COASTAL CLEAN-UP. Pinangunahan ng 76th Infantry ( VICTRIX) Battalion sa isinagawang paglilinis kamakailan ng mga coastal municipalities na sakop ng Lamon Bay area . Ipinaliwanag ni Lt.Col. Rommel Tello na hindi ito ang unang pagkakataon na nanguna sila sa nasabing makabuluhang gawain sapagkat ang pagllinis ng kapaligiran ay bahagi na ng kanilang araw-araw na pagtupad ng tungkulin sa pangangalaga ng kalikasan. Hinikayat nito maging ang mga estudyante mula sa iba't-ibang mga eskuwelahan na panatilihin ang kalinisan kahit sa kani-kanilang tahanan.              King Formaran