CAVITE NEWS

150 computer ,ipinamahagi ni Gov. Maliksi
Ni Jet claveria



TRECE MARTIREZ CITY, Cavite – Dahil sa patuloy na pagbibibigay ng mga programa sa administrasyon ni Gov. Ayong Maliksi,nais niyang lalong palakasin ang aspetong pang teknolohiya sa Cavite.

Ito ang dahilan kung bakit patuloy ang kanyang pamimigay ng computer kung saan ang 150 yunit ng computer mula sa South Korea ang ipinamahagi nina Cavite Gov. Ayong S. Maliksi at Dr. Nelda Dator ng DepEd Cavite sa 19 na pampublikong paaralan para maiangat ang kasanayan sa Information and Communication Technology (ICT) ng mga kabataang Kabitenyo.

Ang mga sa mga eskuwelahang tumanggap ng siyam na yunit ng computer ay ang Bacoor Central Elem. School, Tibig Elem. School, Silang; Amadeo Elem. School; Alfonso Elem. School; Ligtong Elem. School, Rosario; Kawit Elem. School; Gen. E.San Miguel Elem. School, Noveleta; Carasuchi Elem. School,Indang; Buenavista Elem. School, Gen. Trias; at Trece Martires City Elem. School.

Nagbigay naman ng walong computer naman bawat isang ang ipinagkaloob sa Dasmariñas National Hayskul; Carmona National Hayskul; at sa Bagbag National Hayskul sa bayan ng Rosario. Samantala, anim na computer ang ipinamahagi sa Bagtas Elem. School,Tanza; Malabag National Hayskul,Silang; San Jose Com. Hayskul, GMA; Gen. E. Aguinaldo Hayskul; Naic Coastal National Hayskul at Bendita National Hayskul sa bayan ng Naic.


Napag-alaman na ang isinagawang pamamahagi ng computer ni gov. Maliksi ay ika-4 na batch simula noong 2005 kung saan lumagda siya sa Education Information Exchange Agreement kasama ang Ministry of Jeollabukdo-Office of Education.

Sa ngayon ay lubos ang kasiyahan ng mga eskwelahan na nabiyayaan ng mga gamit pang teknolohiya kung saan hindi na mahuhuli ang mga ito sa mga basic sa paggamit ng mga computer.

Malaki ang maitutulong ng mga ipinamahaging computer sa mga eskwelahan upang higit na mapataan ang karunungan ng mga estudyante para sa makabgong teknolohiya.