Saturday, April 11, 2009

Gulang-gulang National HighSchool



TURN OVER CEREMONY OF THE SCHOOL STAGE:Pinangunahan nina Gulang-gulang Brgy. Captain Jun Regis,Mr. Carlo Villafranca representative of Gov. Raffy Nantes, Vice Mayor Philip Castillo, Principal Ms. Anni Villaruel at iba pang opisyal at Parent Teachers Association ang pagpuputol ng ribbon.Ito’y bilang pasinaya sa isinagawang turn over ceremony sa Gulang-Gulang National Highschool sa pamamagitan ng barangay council. JCPlease read....

news ...Sariaya Quezon

Illegal Quarry operations talamak sa Sariaya
Ni Jet Claveria

Hindi pa rin nasasawata hanggang sa kasalukuyan ang mga iligal na nagku-quarry sa lalawigan ng Quezon.Ito pa rin ang malaking problema ng mga residente na malalapit sa lugar at mga nagmamalasakit na opisyal ng pamahalaan.

Ayon sa ilang residente na nakapanayam ng Eyewatch, natatakot sila sa maaaring mangyari sa kanilang lugar sa may ilaya ng Sariaya sapagkat kung bibisitahin ito ng mga kinauukulan ay makikita nilang lubha na itong mapanganib.

Marami umanong nagku-quarry na mga iligal pa rin at hindi nakakatulong sa flood control program.Dapat umanong imbestigahan at puntahan ng PMRB ,DENR at mga kinuukulan ang nagkukwary lalo na sa bayan ng Sariaya upang makita na mas malalim pa umano sa taas ng puno ng niyog ang ginagawang ito sa mga ilog.

Maari umanong kapag dumating na naman ang mga tag-ulan ay tiyak na marami na namang mapipinsalang lugar sanhi ng walang habas na pagkukwary.
.

Kaugnay nito, base sa natatanggap na report mula sa lalawigan ng Quezon tuloy-tuloy parin ang pagbibiyahe sa loob at labas ng probinsya ng daang-daang mga truck na kargado ng mga nakukuhang mineral gaya ng bato, graba na ipinagbabawal dahil nakakasira ng kalikasan at hindi pagbabayad ng tama ng mga ito sa buwis na sanay nakikinabang at naiilagay sa proyekto para sa mamamayan.

sm city lucena

3 day sale sa SM Lucena dinumog
Ni Kristine Ayra Lacza

Muling dinagsa ang SM City Lucena ng mga shoppers mula sa iba’t ibang lugar at mga kalapit na lalawigan noong nakaraang 3 day sale.
Ayon sa ilang mga shoppers,matagal na nilang hinihintay ito at pinag-ipunan dahil alam nilang marami silang mabibili sa murang halaga lamang.

Ang SM City Lucena ang itinuturing na higanteng mall sa lalawigan at mga kalapit lugar kung kaya’t laging dinadagsa ng mga tao ito dahil na rin sa mga mura at quality na mga bilihin.

Naging abala rin ang mga opisyal ng SM at maging si Ms. Lilibeth Azores ay hindi inalintana ang pagod sa pagtungo naman ng mga personalidad na nais rin na mamili sa 3 day sale.

Bagama’t maraming namimili sa SM sa mga ordinaryong araw ay naging special ang naganap na 3 day sale sapagkat dinagsa ito ng mga tao .Ang karamihan ay mga nagsipagtapos sa paaralan dala ang kasama ang kanilang mga pamilya at kaibigan upang doon na rin iselebrate ang kanilang pagtatapos sa pamamagitan na rin ng kanilang pagkain at pamimili sa SM.

Punong –puno rin ang mga fast food chain at mga kainan sa SM dahil ng mapagod ng mamili ang mga shoppers ay kumain naman sila sa kanilang mga paboritong kainan.

Bunga nito, lubos na nasiyahan ang mga tenants ng SM sa pagdagsa ng mga mamimili kung saan halos maubos ang kanilang mga paninda sa isinagawang 3 day sale noong nakaraang Apr. 3,4 at 5 kung saan na extend pa hanggang noong lunes.


Please read....

opinion page

Jetline
ni Jet Claveria

Ang minsan….

Sobrang stress kaya dapat na mag relax at magpahinga….

Kaya ang ilang araw na walang pasok ay isang magandang pagkakataon upang magkasama-sama ang pamilya,ang magkakaibigan at magkakamag-anak.

Ilang araw bago sumapit ang Semana Santa ng mga katoliko.Maraming mga balakin at plano kung saan pupunta upang magbonding ang lahat.

Sa mga resorts,swimming pool,bundok ,ibang bansa at mga lugar na nais nilang puntahan upang doon magkasama-sama ang kanilang pamilya.

Sabi nga ay ito’y minsan lamang nangyayari sa mga magkakamag-anak o mga pami-pamilya ang magkasama-sama.Ganito rin ang plano namin kaya naghahanda na kami ng gabing iyon.

Ngunit minsan dumarating talaga sa buhay natin ang mga pagsubok kung gaano tayo katatag upang harapin ito.

Yon bang hirap na hirap na ngang mag-isip kung paano malalampasan ang kahirapan, nagsisikap kung paano mabuhay subalit minsan, dumarating ang tinatawag na kamalasan.

Mga pangyayaring hindi kagustuhan ay dumarating na lamang minsan ng hindi inaasahan.Sino bang mag-aakala na mawawala ang cellphone ni tita Chona ng ganong kabilis na pangyayari kung saan ingat na ingat na niya ang kaniyang cellphone ay mawawala pa.

Sino bang mag-iisip na sa mahinang kita ng isang munting negosyo na nagpipilit makabangon ay papasukin pa ng magnanakaw at mag-iiwan pa ng takot sa mga biktima nito.Wala talagang pinipili ang magnanakaw basta mayroon silang makukuha ,arya lamang sila.

Mabuti na lamang at hindi nasiraan ng loob si Krishan ng tutukan siya ng baril ng isang magnanakaw ng pasukin ang internet shop.Kahit naman nawalan ng boses si Sherwin sa matinding takot ay nagawa pa rin nitong humingi ng saklolo yon nga lang huli na ang lahat.Nakuha na ang kaniyang cellphone.

ANG PULIS SA EKSENA


Sa ganitong kabilis na pangyayari.

Talagang hindi aabot ang mga pulis upang sumaklolo sa mga biktima ng ganitong modus operandi ng mga magnanakaw dahil na rin sa mayroon itong kasapakat na traysikel drayber na mabilis na tatakas habang mga tulala ang naiwan.


Minsan lagi naging sinisisi ang pulis dahil parang laging pelikula, huli kung dumating sa eksena.Pero may mga pagkakataon nga pala na talagang hindi aabutan ang mga suspects.

Subalit may mga pulis din namang tatanga-tanga.Nagkataon na kasing may pulis ng pagkakataong iyon at abot kamay na lamang at mahuhuli na ang magnanakaw, aba’y imbis na habulin yong magnanakaw dahil siya’y nakamotor ay uutusan pa ang biktima na tumawag daw sa 117 para magresponde.Ay andon siya at pulis din naman.Ay kainaman buhay ng pulis na iyon. Di maasahan ngani.Mayroon pa pala sa Lucena na pulis patola.



Eh pude naman siyang humabol.Baguhan pa ata at natakot ng sabihin na mayroong baril na dala yong magnanakaw.Swerte pa ring pulis yon dahil hindi nakuha ang pangalan dahil nagkatarantahan na.Sana’y naisumbong kay Col. Ylagan at nabigyan ng aksyon.

Ang nakakatawa pa ay yong hahabol na nakasakay sa owner ang siyang pinagdiskitahan ng pulis na lasing daw dahil siya’y mauurungan nong time na maghahabulan na.

Sa isang banda’y dapat pa ring magpasalamat dahil ganito lamang ang nangyari.Walang nasasaktan at walang dugong dumadanak.

Subalit sa ganitong mga sitwasyon ay minsan saka mo lamang naiisip na dapat pala ganito ang ginawa, dapat ay ganito ang nangyari,subalit sa kabiglaanan pala ay talagang walang maiisip ang mga biktima at minsan talagang takot ang iiral.

Kaya dapat na maging handa pala tayo sa mga maaring posibleng mangyari sa ating buhay.Sobrang sama na ng mundo at hindi laging dapat na tiwala tayo sa ating kapaligiran.

Ang minsang bangungot o masamang pangyayari sa ating buhay ay huwag na nating hayaan na maulit na muli.Dobleng ingat ang ating gawin, sa mga pagpapasya at sa ating mga sarili at dapat na maging aware sa ating kapaligiran….Sapat na ang minsan…


REBELDE ALA NA SA QUEZON ?

Takot daw ang mga negosyante na maglagay ng kanilang negosyo sa lalawigan dahil NPA country daw.

Hindi naman…

Andyan ang SOLCOM at lahat ay ginagawa nila General Delfin Bangit upang makontrol at mapababa ng kabundukan ang mga rebelde.

Kaya nga patuloy ang pagre-recruit ng CAFGU upang ito ang ilagay sa mga barangay na siyang magmonitor sa mga lugar.


Sabi nga ng SOLCOM hindi na makapag recruit ang mga NPA sa mga lugar sapagkat halos lahat na ay mayroong mga kampo ng sundalo.Inaalam na rin ng mga ito ang mga kailangan sa barangay at katuwang ang mga opisyal ng pamahalaan sa pagbibigay ng tulong at suporta sa mga residente.

Kung ganito ang mga programa ng ARMY at walang inirereklamo sa kanilang hanay ang mga Human Rights tiyak na maraming bababa ng bundok upang mamuhay na ng normal.

Subalit kung ang mga sundalo pa umano ang pinagsisimulan ng gulo sa mga lugar,wag na tayong umasa pa na makokontrol ang NPA sa Quezon.

Kung ang magagandang hakbangin at programa ngayon ang pagbabasehan ligtas ang lalawigan ng Quezon.tiyak na maraming mga negosyante ang maglalagak ng puhunan dito.Sana nga ay maiwasan na ang karahasan dahil lahat naman tayo ay iisa ang naisin ang katahimikan at kaunalaran.

Marahil ay makiisa na lamang tayo sa mga magagandang naisin ng mga namiminuno sa atin at matupad ang pangarap na ‘Pilipinas Quezon Naman”.














Please read....

news in Quezon province

Mga negosyante takot sa mga rebelde
Ni Jet Claveria

Isa sa mga pangunahing dahilan kung bakit may mga negosyanteng ayaw mamuhunan sa Quezon ay sanhi ng mga ulat na maraming mga New Peoples Army sa lalawigan.

Ito ang nabatid nina 1st District Bokal Alona Obispo at Quezon Tourism Chief Gladys Mayo nang magtungo sila sa Hawaii upang umatend sa isang tourism exhibit doon kamakailan.

Ayon kay Bokal Obispo, hindi maitatangging maraming mga banyaga ang nakagusto ng mga produkto ng Quezon subalit kapag maglalagak na sila ng negosyo sa Quezon ay aayaw na nila dahilan sa marami daw ditong rebelde kaya ayaw nila.

Kaagad itong pinabulaanan ni Bokal Obispo ang naturang ulat at ipinagmalaking tahimik ang lalawigan at hindi banta ang mga sinasabing rebelde.

Hinamon pa nito ang isang Koreano na nais na maglagay ng negosyo sa Pilipinas kung saan sinabi nitong kapag pumunta sa Quezon ay makakasiguro sa seguridad nito at ipapasyal pa sa mga tourist destination sa lugar.Hindi umano NPA country ang Quezon dahil mababait ang mga Quezonian.

Hinimok din ng Bokal na maglagay ng negosyo sa Quezon dahil hindi naman banta ang NPA sa kanilang mga negosyo taliwas sa mga napapaulat.


Magugunitang ipinahayag ni National Security Adviser Sec. Norberto Gonzales ng magtungo siya sa lalawigan na hindi na banta ang insurhensya sa Pilipinas dahilan sa nakokontrol na ito.

Ganito rin halos ang naging pahayag ni SOLCOM Commander Chief General Delfin Bangit kung saan iba na ang magiging komunidad sa taong 2010 sapagkat makabagong lipunan na ang makikita lalo na sa lalawigan ng Quezon.

Marami na umanong mga NPA ang bumababa sa kabundukan at nais manirahan sa lipunang ating ginagalawan ng mapayapa.

Ito’y sanhi naman ng mga makabagong programa ng SOLCOM kung saan kaagapay ang mga local executives upang lubos na mapagtagumpayan ang mga proyekto at mga programa patungkol sa insurgency.

Inilalapit umano ng SOLCOM sa mga barangay ang mga programa at inaalam ang mga sitwasyon ng mga tao doon upang maiagapay sa naising kaunlaran ng bawa’t isa.

Ang mga lugar umanong dating pinamumugaran ng mga NPA ay napapasok na ng mga sundalo upang ibigay ang mga pangangailangan ng mga residente at tumulong sa mga opisyal ng pamahalaan sa magagandang programa ng mga ito.

Kaya naman sinasabing sa ngayon ay hindi na makapag recruit ang mga NPA dahil na rin sa mga programang inilulunsad ng pamahalaan sa mga rural areas.




Please read....

Opinion page

Kaliwa’t Kanan
Ni jet claveria

Quarry Operations

Singtaas na daw ng puno ng niyog ang lalim ng kina-quarry sa ilang lugar sa Quezon.Lalo na daw sa bayan ng Sariaya.ABA’Y ANONG GINAGAWA NG MGA KINAUUKULAN? MARAHIL AY HIHINTAYIN MUNA NILANG BUMAHA AT MARAMING BAHAY ANG MAANOD AT MARAMING BUHAY ANG MAWALA.SAKA SILA KIKILOS.

****
Kapatid daw ng dating Mayor ng Sariaya ang isa sa mga matigas ang ulo sa pagku –quarry.Wala itong pasintabi sa mga opisyal at wala itong takot dahil astig daw ito.NAKU ANG ALAM KO AYAW NI MR. FRANCIS SEVILLA NG GANYAN.SIYA ANG BAGONG PMRB CHIEF KAYA LAGOT SILA KAY MR. SEVILLA.

****
Nawawala na nga ba ang mga trabesa sa riles ng tren.Hindi na daw kasi ito gagamitin kaya pinababayaan na.HINDI NAMAN PALA KATAKA-TAKANG GAWIN ITONG BAKOD NG MAYAYAMAN, ILAGAY SA KANILANG GARDEN AT ANG IBA’Y GAWING BAHAY.MAMASYAL KAYO SA QUEZON KUNG SINO-SINONG MAYROONG BAKOD NA AT BAHAY NA TRABESA.

****
Hanggang ngayon ay hindi pa nai-iserve sa tunay na salarin ng pumaslang kay Bert Sison ang Warrant of Arrest laban dito.Noon pa daw itong buwan ng December dapat na ibinigay at hanggang ngayon ay nasa kamay ng isang PSOG officer.BAKIT KAYA HINDI MAIBIGAY.PAUUGATAN PA KAYA NILA ITO O TAKOT ANG MGA ITONG I-SERVE?ANO KAYANG MASASABI DITO NI PNP PROVINCIAL DIRECTOR FIDEL POSADAS?

****

Ngayong nabisto na ang NFA na kulang sa timbang ang mga bigas na nakalagay sa sako.Dagdagan na kaya nila ito?PAANO DAW DADAGDAGAN AY SA DAAN PA LAMANG AY MARAMI NG NAMUMURIKI.

****








Dinagsa daw ng mga mamimili ang 3 day sale sa SM City Lucena.TIYAK NA PINAG-IPUNAN NILA IYON.KAYA MARAMI SILANG NAPAMILI.

****

Matagal na daw inirereklamo ang mga itim na abo na lumilipad sa mga bahay na nakatira sa Brgy. Cagsiay Uno mauban Quezon.Hindi na rind aw mawalan ng ubo ang mga residente rito sanhi ng mga lumalabas na itim na abo mula sa Quezon Power Limited.WALA NGA BANG GINAGAWA ANG PAMUNUAN NG QPL?

****

Maraming dumayong mga local at dayuhang turista sa lalawigan ng Marinduque dahil sa kanilang Moriones Festival.TOTOO NGA BANG NAGKAROON NG PATUTSADAHAN SA HARAP NG KANILANG MGA KABABAYAN SINA MARINDUQUE GOV. BONG CARION AT ANG KANIYANG KALABAN SA PULITIKA NA MGA REYES.IBIG SABIHIN NAG IIBA NA ANG KULAY NG SKIN NG PULITIKA SA NGANI BAYA.

****

Sa Dalahican napakaraming mga nagpe-pedicab.Ngunit wala man lamang ilaw o replektor ang mga ito.Mapanganib lalo na sa gabi .Kaya naman maraming motorista ang umaangal.SINASADYA DAW KASING BANGGAIN NG MGA NAGPE-PEDICAB ANG MGA MOTORISTA.ANO KAYANG MASASABI NG PRESIDENTE NG ORGANISASYON NILA.

***

















read....

Graceland Tayabas City ...another Legacy?




Mr Ronaldo at Mrs Violeta Soliman at 12 iba pa, inireklamo
Syndicated estafa vs Graceland
Ni Jet Claveria

Tayabas Quezon – Humarap sa City Prosecution Office ng lunsod na ito ang walo pa sa mga di- umanoy biktima rin ng Graceland Properties and Development Inc. upang ireklamo sina Mr. Ronaldo R. Soliman at maybahay nito na si Mrs. Violeta Soliman at 12 iba pa na sina Ma. Diana Castillo, Engr. Jose Q. Ferrer, Jr. Arch. Lorenzo G. Villarosa , Dolores M. Icarro, Eduardo G. Luarca, Bernardita C. Ronquillo, Daisy D. Medestomas, Neil Michael C. Alonso, Charles Chamsay Jr. ,Aureliano T. Cabatic, Reynald G. Semion at Susan Alcoreza pawang mga opisyales ng nabanggit na kompanyang may kinalaman sa resort property development.

Ipinagharap sila ng kasong syndicated estafa/large scale estafa at Paglabag sa Batas Pambansa Bilang 22.

Batay sa kanilang complaint affidavit na isinumite sa City Prosecution Office,ang di-umano’y biktima na nagreklamo ay sina Geronimo Oabel,Hilaria Herly R. Ocado, Aurea R. Cabuyao, Benilda C. Labrada, Domingo Enrique R. Cabuyao, Rosales Cabuyao, Esmeralda Heidi C. Abrigo at Esteban Eric F. Abrigo.
Ayon sa kanilang sinumpaang salaysay , naloko sila ng Graceland sa kabuuang halaga ng na umabot sa P2,094,000,300.00 bilang investment makaraang hindi panagutan ng kompanya ang obligasyon nito na bayaran ang halaga ng interes mula sa kapital at mismong ng orihinal na kapital na kanilang inilagak.
Nagoyo di-umano sila na maglagak ng puhunan sa Graceland dahil sa mataas na 3.5 percent hanggang 4 percent na interest na ayon sa pangako ay babayaran sila kasama ang kapital makaraan ang anim na buwan.
Inisyuhan sila ng mga postdated checks at wala namang naging problema sa bangko ngunit simula nitong Enero taong 2009 ang mga postdated check na inisyu at pinirmahan ni Soliman ay nagsitalbugan at tinatakan ng bangko na ‘account closed’.
Nauna rito, nagreklamo si Gng. Joanne VillaseƱor- Smith tubong Lucenahin na ngayon ay naninirahan sa Europa dahil din sa katulad na kaso at umabot sa ‘labing isang milyong piso’ ang hinahabol nito sa Graceland.Inisyuhan din siya ng mga tseke na ‘close account ‘ na pala.
Samantala ,si Ginoong Venacio Q, Zoleta ng lunsod ng Lucena naman ay hinahabol din ang Graceland at si Soliman dahilan sa di-umano’y atraso ng huli sa una na umaabot sa halagang P 1,350,000.00.Ngunit ayon kay Zoleta, umaabot sa P23-M ang kabuuang halaga na dapat panagutan ng Graceland sa kanya.
Katulad ng mga naunang nagreklamo, inisyuhan din siya ng mga tseke na tumalbog dahil ‘closed account ‘ ito.
Lumilitaw sa mga dokumento na iniharap ng mga di- umano’y biktima na pinagkalooban sila ni Soliman ng deed of assignment para sa mga condominium units ngunit ang nabanggit na mga unit ay naka-assigned din sa ibang tao na nag-invest din.Pinalubha pa ito nang madiskubre nila na ibinenta pala sa ibang tao ang mga parehong unit na may deed of assignment sa kanila.
Bago humarap sa piskalya ang mga complainant ay ipinatawag ng pulis Tayabas sina Soliman para linawin ang reklamo laban sa Graceland ngunit hindi ito nagpakita.
Hindi rin ma -reach si Soliman para maibigay ang kaniyang panig .






Please read....