KALIWAT KANAN

KALIWA’T KANAN
Ni Jet Claveria


Kaek-ekan ng pulitiko( Si Aling Vivian)

Bago ako lumawig sa aking kolum nais kong magpasalamat sa mga nagte-text at nag-e- email na nagbabasa ng Kaliwa’t Kanan.Kay ex-Mayor Tito Ojeda ,kasama niya sa pagkakape niya ang pahayagan .Sa mga kaibigang natutuwa at ilang nagagalit sa mga nakukurot ng ating kolum.


Maraming nakakausap ang Kaliwa’t Kanan patungkol sa sinasabing mga ginagawang kaek-ekan ng mga pulitiko sa isyu ng “yes at no” sa hati Quezon.

Ito ang kalimitang maririnig sa karamihang taga Quezon at mga taga ibang probinsya .Pareho lamang daw naman ng katwiran ang mga pulitikong pumapabor at tumututol sa paghahati ng lalawigan.Ito ang lumalabas bibig ng ilang mga opisyal na nakakakwentuhan ng kaliwat kanan sa pag-iikot sa Calabarzon.

Dami nga daw naman dapat na pagtuunan ng pansin sa pagpapa-unlad bakit paliliitin ang Quezon .

Syempre sa harap ng mga tao pabor sa tao ang ipangangalandakan pero sa isang panig nito andoon ang kanilang mga political interest.Ang kanilang mga ambisyon sa kanilang mga political career.Kaya sila nagkakagulo at gagawin ang lahat maipanalo lamang ang kanilang ninanais.

Ibig sabihin hindi para sa tao kundi sa kanila lamang.Tama ba ang aking sinasabi Aling Vivian.

Kaek-ekan lamang daw sabihin na para sa tao ang kanilang ginagawa kaya hindi pabor at pabor ang ipinahahayag ng mga ito sa isyu ng paghahati ng lalawigan ng Quezon.


Itong si Aling Vivian ,isang simpleng mamamayan,subalit subaybay niya ang ikot at galaw ng mga pulitiko sa bansa , lalo na sa lalawigan ng Quezon.

Natawa nga ako (isa sa naimbitahan ng Rotary) ng biglang sumigaw siya ng “yon” kaya nagkatawanan…. Nang magtanong si Nida Junco sa isang forum ng Rotary sa resource speaker na si Cong,. Erin Tanada, na kung sakali bang magkaroon ng Quezon del Sur ay ito na ang simula ng daynastiya ng mga Suarez at Tanada?Syempre takip ang Congressman sa kaniyang pagpapaliwanag.Ngunit bukas ang kanyang panig na pumapayag siyang maging gobernador kung ilalagay siya ni PGMA.


Isa ang Kaliwa’t Kanan sa bumibilib kay Cong. Erin sa Kongreso,siya lamang daw kasi ang nag-iisang legislator sa Quezon.Tanong ko nga kay kabise ,bakit? Ito lamang daw ang may boses sa mga kongresista sa Quezon.Talagang purong sa batas lamang na ikagagaling ng Quezonian ang kanyang pinaninindigan.Kung project nga naman ang kaniyang pagtutuunan ng pansin ay wala ng gagawin ang gobernador at mga mayor hanggang maliliit na opisyal ng barangay.

Siya kasi ang congressman na hindi nakikialam sa mga proyekto sa kanyang distrito.Pondo lamang ang kanyang mga ibinibigay.Kaya nga naman mayroong District Engineer na ito ang namamahala sa mga proyekto.Hindi yata alam ni Cong. Erin ang salitang komisyon at SOP ano po Bokal Alona?

HATI O HINDI

Sa paghahati ng Quezon ang nakikita lamang daw ng pabor sa pagkakaroon ng Quezon del Sur ay ang tatamasahin pero ang pagkakautang ay iiwanan sa Norte.Totoo ga yon?

Nakakatuwa ring kakwentuhan itong si Bokal Gelo,pabor kasi siyang mahati ang Quezon,sabi ko nga halimbawang isa siyang malaking negosyante na nais na maglagak ng puhunan saan siya maglalagay sa Quezon del Sur o sa Norte.ang bilis ng sagot niya sa Norte daw…eh pano ang del Sur, eh pasensya sila ,ginusto nila na magkaroon eh…Gets nyo!

Ang karamihan sa mga taga Lucena ay walang pakialam sa kung magkaroon man ng Quezon del Sur .Kasi daw hindi naman apektado ang Lucena kung sakali na mahati ito sa dalawa.GANON!


Sa isang matalinong mamamayan,wala daw namang ibang iisipin…yon na!