JETLINE NI JET CLAVERIA

Lucena PTA Federation officers



Isang matagumpay ang isinagawang election ng set of officers ng Lucena PTA Federation .Sabi nga ng nanalong pangulo si Marvin Fuentes,(West district) ngayon lamang nagkaroon ng tahimik at payapang election.





First time ko lang kasing umatend sa ganong election ng PTA ,pumunta lamang ako bilang Vice President ng Gulang-gulang National Highschool at para suportahan ang aming pangulo na si Mr. Gil Rivera.Siya ang naging Vice President ng Federation.



Nagpapasalamat din ang Jetline sa mga nagtiwala sa aking kakayanan na iboto nila ako sa 15 opisyal ng PTA federation kung saan napapwesto naman ako bilang PRO.



Bagama’t parang sa pulitika rin, mayroong iba na hindi tumatanggap ng pagkatalo subalit naging malinaw ang ginawang pagbilang sa mga balota ng mga board of canvassers na sinaksihan ng mga magulang at guro.Nagsimula ang election ganap na alas dos ng hapon at inabot ng gabi dahil sa pagbibilang ng mga boto para sa 15 magiging opisyal ng nasabing pederasyon.



Tuwang-tuwa nga si konsehal Felix Avillo kasi nga matahimik ang naging election at kitang-kita na naging malinis ito.



Kung ganon ang election sa pulitika ay tiyak na matutuwa ang taumbayan.Congratulations sa lahat ng mga naging officers.





INANG KALIKASAN



Kung pag-uusapan din lamang mula ng mapasok ako sa media simula 1993 ,nakita ko na kung paano magtrabaho ang Tanggok Kalikasan pagdating sa mga impormasyon na dapat gawin para alagaan ang Inang kalikasan.



Kung anong igting ng kanilang ginagawang kampanya.Marami na rin akong narrating na lugar dahil sa Tanggol Kalikasan.Sila ang tagapagtanggol ng inaaaping kalikasan.



Kaya naman kahit babae si Atty. Shiela ay kaya niya labanan ang lahat ng mga gumagawa ng iligal kung tungkol din lamang sa kalikasan ang pag-uusapan.



Nakakatuwang pakinggan si Celine ng ibahagi niya ang kanyang karanasan sa isinagawang seminar sa Tayabas ng TK. Feeling nga namin ni tita Beth ay nakikinig kami ng radio.

Kahit nangalay si Ola ng kavi-video ay masaya siyang dumalo sa aktibidad ng Tanggol.Kaya naman sabi ni King sa susunod ay siya naman ang magbabahagi ng kanyang karanasan sa TK.



PAGKAIN SA LUCBAN



Hindi ko akalain na sa bayan ng Lucban isang bayan na sagana sa tanim na gulay ay walang tindang mga gulay sa mga Carinderia .Kakaiba naman don, dapat marami silang tindang gulay sa mga tindahan ng ulam .Sagana daw sa iba’t ibang putahe na luto ng karne.Walang mabibili kundi karneng baka ,baboy at manok.Ni isda daw ay di rin nagtitinda,kung meron daw ay bangus lamang.Kahit saang carenderia ba?

Tanungin mo ang ilang Lucbanin ang isasagot nila ay hindi daw kasi mabili kaya walang nagtitinda ng mga lutong gulay at isda.Ganon!





UNITED NATION DAY SA SM



Habang ginaganap ang eleksyon ng PTA Federation sa West 1 ay dinumog naman ang SM Lucena ng mga participants mula sa iba’t ibang school sa Lucena.



Umabot sa halos isang libong mga estudyante ang lumahok dito at sabi nga ni Bosing Billy Andal na isa sa mga hurado hindi na halos nila makita ang mga nasa stage sa dami ng mga tao.



Aliw na aliw si Bosing sa kanyang panonood sa mga batang suot ang iba’t ibang costume ng iba’t ibang bansa.



Ipinakikita sa okasyong ito na dapat na magkaroon ng pagkakaisa maging anuman ang iyong lahi.



Kaya lang makikita talaga ang pagkakaiba ng mga batang nag-aaral sa pribado at publiko na nakilahok dito,sapagkat sa kanilang mga costume na suot ay naniningkad ang mga mag-aaral sa pribado.Kaya naman perfect ang ginawang score ni Bosing sa lahat ng mga costume.



Ang nakakatuwa naman sa opisyales ng SM lagi ang kanilang suporta sa ganitong mga aktibidad.Siguro ng mga oras na iyon na naalala nina tita Beth, Ms Mildred at Ms Maricel ang kanilang kabataan,sapagkat panay mga bata ang nakita nila ng sandaling iyon.



Kaya naman feeling ni Bosing Billy bumalik siya sa pagkabata dahil nakapalibot sa kanya ay pawang mga bata.





RIGHT OF REPLY



Tunay nga namang nakakabahala ang batas na isinusulong nitong sina Cong. Puentavella at cong. Abante sa Kongreso patungkol sa mga media.



Parang ginagawa nilang engot ang media sa batas na ito at tuturuan ng mga dapat na gawin gayong sa code of ethics ng isang journalist ay nakasaad naman ang dapat na gawin.



Aba’y tunay na hahawakan sa leeg ang media kung makakalusot ito sa Kongreso at Senado.



Wala nang saysay ang pagiging media dahilan sa susunod na lamang pala kami sa lahat ng gustong ipalabas o ibroadcast.



Paano na Celine kapag pala ikaw ay nag broadcast at di sinasadyang nasaktan sa iyong pagtalakay ang isang personalidad o opisyal ,ora mismo kinabukasan ay kailangan mo ring pasagutin sa iyong program.At lahat ng iyong sinabi ay kaniyang babawiin at siya ang magdidikta sa iyo ng ibobroadcast at kapag di sumunod ay may nakalaang multa at mabibilanggo pa ng 6 na buwan.



Magapabilanggo na lamang tayo di ba? Kesa naman bawiin ang sinabi at magmukhang tanga.Yano baga ay!Kaya kung di magsasama-sama ang media at hindi naiintindihan ang bill na ito ay baka makalusot sa senado ng di namamalayan at maging ganap na batas.Yari ka!



Kaya naman si Bosing Billy ay ganon na lamang ang pagpupursigi at panawagan sa lahat ng nasa media industry na sama-samang tutulan ito at huwag pagkakakitaan.Marami na kasing nakakarating na mayroong mga media na kung sino-sinong pulitiko ang iniinterbyo sa bagay na ito subalit mas pinapaboran ang bill dahil na rin sa ibinibigay na pakimkim ni pulitiko.At syempre papaboran ito ng mga pulitiko dahil sila ang makikinabang dito.Anuman nga ang kanilang gawin ay tiyak na makakalusot na at walang pupuna dahil sa batas.Kaya walang lumalabas na balita patungkol dito.Yong mga hindi nakakaintindi kung ano ang nilalaman ng nasabing bill.



SOBRANG HIRAP



Ramdam na ramdam na natin ang kahirapan.Subalit makikita mo pa rin sa mga mall ang mga tao.Ito ba ang tanda ng kahirapan o pilit lamang itinataas ang antas ng pamumuhay.



Mabuti kung nakakasunod sila sa mga nais nilang bilhin at sobra sa kanilang kinikita subalit kung kulang naman at walang makain ang pamilya sa susunod na araw,sila ang mga taong kawawa naman.



Mas kawawa pa sila sa mga taong tunay na nagdarahop kesa sa kanilang nagpipilit na mabili ang kanilang luho.



Kasi ang mga nagdarahop ay masaya na sila na mayroong kinakain sa loob ng tatlong beses isang araw. Subalit sa mga nagpipilit na itaas ang antas ng kanilang pamumuhay na hindi naman kaya ay patuloy sa kanilang pagpipilit.Suskupo Inang!



























Please read....