BANNER STORY SA EYEWATCH

7 preso sa QPJ ipinuslit ng NPA
Mga jailguard nalusutan , mga pulis na humabol sugatan
Nina Jet Claveria, Celine Tutor at King Formaran

Naisahan na naman ang mga bantay ng Quezon Provincial Jail ,itoy matapos na muling matakasan at ipuslit ang mga presong NPA na nakapiit dito mula pa noong buwan ng Hulyo.

Tila namamasyal lamang sa parke ang 20 rebeldeng New Peoples Army na pumasok at nagpuslit sa pitong kasamahan na nakakulong sa Quezon Provincial Jail.

Ang mga itinakas na preso ay sina Gemma Carabido, Cecillia Mondia,Noel Santos, Gerson Carabido, Fernando Tawagon, Arnold Valencia at Rogelio Monteverde.

Ang tatlo sa pitong kasamahan ng mga ito ay matataas ang ranggo na nasakote ng 201st BDE noong buwan Hulyo ng kasalukuyang taon.

Ang nabanggit na 20 NPA ay sakay ng 3 van na mayroong dalang mga malalakas na kalibre ng baril.Nakasuot ang mga ito ng black fatigue na may nakasulat na SWAT at PDEA .Pinadapa at kinuha ang baril ng mga nabiglang jailguard.

Napag-alaman na inabandona na ng mga ito ang isang van na kanilang sinasakyan matapos na masiraan sa may likod ng Regional Trial Court na katabi lamang ng QPJ.Ang isa naman ay iniwan sa may Coca Cola sa may Barangay Isabang at naglakad na ang mga ito patungong Brgy. Talim

Nauna rito, pagdaan ng nasabing mga NPA sa may Quezon National High School ay pinasabugan ng Granada ang mobile ng PNP na naka blocking force dito na nagbunga ng malubhang pagkasugat ng dalawang pulis na nakasakay dito. Ito’y matapos naman na makipaglaban sila sa nakasakay sa van kung saan lulan ang mga NPA .

Habang sinusulat ang balitang ito ay patuloy na kinokober nina King Formaran at Celine Tutor ang nagaganap sa Quezon Provincial Jail kung saan patuloy umano ang ginagawang hot pursuit operation.


Samantala, ayon naman sa report ni Babes Mancia na nagkokober sa Tayabas Quezon, sa mga oras na itong ginagawa ang balita ay normal naman at patuloy ang Aguyod Festival kung saan napaulat na pagkatapos ipuslit ang mga kasamahan sa QPJ ay nilusob naman. ang Tayabas PNP.