Parehong magaling na performing artist sina Joseph Jonas na sikat sa amerika sa larangan ng band at si Catherine Loria isang batang Pilipina na bagong kampeonado sa nakaraang World Championship of Performing Artist WCOPA na ginanap sa Hollywood California.

Hindi kaya kapag nag krus ang kanilang mga landas ay tuluyang ma-inlove si Kat kay Jo?

Crush ni Kat ang isa sa mga Jonas brother na ito at kung makikita ang pintuan ng kaniyang kwarto ay andon ang iba’t ibang picture ng kaniyang hinahangaan.

Si Kat ang isa sa mga batang Pilipina na nagdala ng magandang karangalan sa bansa subalit dahil sa tindi ng competition at mga humaharang sa kanyang pagsikat ay patuloy pa rin sa kanyang pamamayagpag.

Gintong tinig ang kanyang sandata at puhunan upang maabot niya ang kanyang mga pangarap sa buhay.

Naniniwala siyang isang araw ay maiiahon din niya sa kahirapan ang kanyang mga magulang at matutupad ang kanyang mga pangarap.

Ito ang batang kahit alam niyang ang titulo na kanyang nakuha ay hindi na kayang pantayan pa ng iba ay nakatapak pa rin sa lupa.Walang ere sa katawan at tuloy sa kanyang normal na buhay.

Sa kaniyang edad na labintatlong taon ay malaki ang kaniyang paniniwala na malapit nang matupad ang kanyang mga pangarap.

Tulad ni vice President Noli de Castro na iniidolo si Regine Velasquez, isa rin si Kat kat na humahanga sa boses naman ng Song bird.